Бишкекте кайрадан авария болуп Чыгыш-5 кичи районунда жылуулук берүү үзгүлтүкө учурады

Бүгүн, 22-ноябрда  Бишкектин Чыгыш-5 кичи районундагы айрым үйлөргө авариядан улам жылуулук берүү токтотулду. Бул тууралуу "Бишкек жылуулук тармагы" ачык акционердик коомунун басма сөз кызматы кабарлады.

Маалыматка ылайык, Чыгыш-5 кичи районундагы үйлөргө жылуулук өткөрүүчү түтүктөр жарылган. Мунун кесепетинен кичи райондогу 15 көп кабаттуу үйгө жылуулук жана ысык суу берилүү токтотулду.

"Азыркы учурда оңдоп-түзөө иштери аяктады. Кечки саат 4төр чамасында кичи райондун тургундарына ысык суу жана жылуулук кайрадан бериле баштады", - деди ЖЭБтин басма сөз катчысы.

Эске салсак үстүбүздөгү жылдын 26-январында ЖЭБте авария катталып кыштын кыраан чилдесинде шаар тургундары жылуулуксуз калган.