Видео. Жогорку бийлик өкүлдөрү Түбөлүк отко келип гүл коюшту

Бүгүн, 9-майда Кыргыз Республикасынын президенти Сооронбай Жээнбеков, төрага Дастанбек Джумабеков, премьер-министр Мухаммедкалый Абылгазиев, Жогорку соттун төрайымы Гульбара Калиева Улуу Ата Мекендик согуштагы жеңиштин 74 жылдыгына арналган эскерүү-реквиемге катышты. Гүл коюу иш-чарасы Жеңиш аянтындагы Түбөлүк отто болду. Бул тууралуу парламенттин спикеринин басма сөз катчысы Эльвира Темир билдирди.

Гүл коюу аземинен жана иш-чаранын расмий бөлүгүнөн кийин президент Сооронбай Жээнбеков, Жогорку Кеңештин төрагасы Дастанбек Джумабеков, премьер-министр Мухаммедкалый Абылгазиев жана башка расмий тараптар ардагерлерди аскер ашканасы бар талаа палаткаларына коштоп барышты.