Талас дарыясына чөгүп кеткен эки жашар бала изделип жатат

Талас облусунун Өзгөрүш айлынан эки жашар бала сууга чөгүп кетти деп изделүүдө. Бул тууралуу ӨКМдин басма сөз кызматына таянып "Барометр" билдирет.

"Бакай-Ата районунда 12-апрелде саат 17:00 чамасында, Өзгөрүш айылында 2019-жылы туулган бала Талас дарыясына чөгүп кеткен.

Кечээ, 13-апрелде издөө иштерин жүргүзүү үчүн ӨКМнен жалпы 41 куткаруучу, ИИМден 4 кызматкер, жергилүктүү тургундардан 40 адам  тартылып, саат 20:50дө убактылуу токтотулган. Натыйжа болгон  эмес. 

Бүгүн, 14-апрелде издөө иштери  улантылат",- деп айтылат маалыматта.