Ошто 4-кабаттан секирген келиндин баласынын абалы оор

Ош шаарында колундагы баласы менен жатакананын төртүнчү кабатынан боюн таштаган аялдын баласынын абалы оор. Бул тууралуу саламаттыкты сактоо министрлиги билдирди.

Маалымдалгандай, аял кечээ 6-сентябрь күнү кечки саат 17.00гө жакын Ош шаарындагы Урицкий кѳчѳсүндѳ жайгашкан кѳп кабаттуу жатакананын 4-кабатында ачык турган терезеден боюн таштап жиберген. Аялдын жамбаш сөөгү сынып, мээси чайкалган. Ымыркай башынан жаракат алган.

Учурда окуя «ѳзүн-ѳзү ѳлтүрүүгѳ аракет жасоо» беренеси менен катталып, иликтѳѳ иштери жүрүүдө.

Ошондой эле соттук-медициналык жана соттук-биологиялык экспертиза дайындалды.