ЖАМК: №47 абак жайда бунт чыккан жок

Жаза аткаруу мамлекеттик кызматы №47 колонияда бунт чыкканы тууралуу маалыматты четке какты.  

Бүгүн, 4-апрелде социалдык түйүндөрдө абак жайда ызы-чуу болгоун тууралуу кабар тараган. Абактагылар колониянын кызматкелери аларга тиешелүү болгон матрас, одеял, самын, сакал алгыч, тиш пастасын бербей, тамак-ашты азайтып, ал эми мекеменин аймагын өзгөртүүнү пландап жатышат дешкен.

ЖАМКнын басма сөз кызматы бул маалымат чындыкка дал келбей турганын кабарлады.

“Азыркы учурда №47 абакта жагдай туруктуу, эч кандай окуя катталган жок, мекеме мурдагы калыбында иштеп жатат. Ошондой эле мекеменин аймагында кимдир-бирөө бизнес кылганы жатат деген маалымат дагы жалган”,-деп айтылат маалыматта.