Ысык-Көлдө козу карын тергени барган киши каза тапты

Ысык-Көл областында козу карын терүүгө барган киши каза тапты. Бул тууралуу Өзгөчө кырдаалдар министрлигинин басма сөз кызматынан кабарлашканын “Барометр” маалымдайт.

Аталган кабарга таянсак, 16-августта бир аял жана үч эркек Ак-Суу районундагы Түргөн капчыгайына козу карын терүүгө барганы жана 1956-жылы туулган М.С жоголуп кеткени тууралуу маалымат түшкөн.

Издөө иштерине бүгүн, 17-августта ӨКМнын 15 куткаруучусу тартылган. Издөө иштеринин маалында эркек кишинин сөөгүн туугандары табышты.