Сот Шамиль Атахановду бир айга абакка калтырды

Бишкектин Биринчи май райондук соту Шамиль Атахановдун баш коргоо чарасын карады. Ал 26-июнга чейин абакта калтырылды.

Сот жабык режимдеги тартипте өттү. Атахановдун кызыкчылыгын адвокат Султан Баратов коргоду.

Шамиль Атаханов 21-майда кечинде “Мыйзамдагы ууру" делген Азиз Батукаевди мыйзамсыз бошотулганы боюнча кылмыш ишинин алкагында камалган.

Атаханов ИИМди жана УКМКны жетектеген. Ошол кезде 2013-жылдын апрель айында Атаханов коопсуздук маселелери боюнча вице-премьер-министр болуп турган.