Сабиз менен картошканын баасы арзандаганы менен өткөн жылдын деңгээлине түшкөн жок

Мамлекеттик монополияга каршы жөнгө салуу агенттигинин адистери бир жылдын ичинде картошка менен сабиздин баасы кандай өзгөрүлгөнүн талдап чыгышты. Бул тууралуу маалымат аталган агенттиктин 2021-жылдын 21-июлундагы баа жагдайы боюнча баяндамсында берилгенин “Барометр” билдирет.

“Картошканын баасы арзандап бара жатат, бирок өткөн жылдын ушул мезгилиндей болгон жок”,-деп айтылат баяндамада.

Эгерде 2020-жылдын 15-июлунда картошканын 1 килограммы 22,7 сом болсо, быйыл анын баасы 33 сомдон сатылып жатат.

Жаңы түшүмдүн чыкканына байланыштуу сабиздин баасы дагы турукташты. Былтыр 15-июлга карата сабиздин баасы 19,6 сомдон сатылган, быйыл 15-июлда анын баасы 78,1 сомдон бааланды.

Ал эми 21-июлга карата 60,9 сомго чейин арзандады.