Марат Жантелиевдин соңку тартылган тасмасы жарыяланды (Видео)

Жакында гана акыркы сапарга узатылган Марат Жантелиевдин соңку тартылган  тасмасы жарыяланды.

Ырчы Айзада Жамгырчиева жана Калыс Жакыпов он эки күн мурун «Сен дедим» дуетине клип тартып башташкан. Анда башкы ролдордун бирин мыкты актёр, КРдин эмгек сиңирген артисти, маркум  Марат Жантелиев тартылган эле.

«Бопуш (Марат) агай эң акыркы жолу биздин клипке түшкөн экен да. Аябай батасын берип, алкап тартылды эле. Бүткөндө, үйүнө чейин жеткирип, жолдон жаңы үй алганын айтып, көрсөтүп кубанды эле»,  - деп эскерет ырчы Айзада Жамгырчиева.

Кыргыз кино индустриясында көптөгөн ролдорду мыкты аткарып, калың элге аттын кашкасындай таанымал актёр, «Бопуш» каймана аты жабышкан куудул буга чейин ооруп жүргөн. Ал 9-июнда 59 жашында оорудан улам каза болгон.