Легендарлуу “Матрица 4” тасмасынын трейлери жарыяланды (видео)

“Warner Bros” киноконцерни “Матрица. Кайра тирилүү” (The Matrix Resurrections) деп аталган фантастикалык тасмасынын биринчи трейлерин чыгарды. Бул тууралуу “Warner Bros” концернинин YouTube-каналына шилтеме берүү менен “Барометр” маалымдайт.

Тасманын режиссеру-Лана Вачовски, фильм 2021-жылдын декабрь айында прокатка чыгары күтүлүүдө.

"Матрицы 4" тасмасына башкы каарман катары актер Киану Ривз тартылып, аны тартуу иштери 2020-жылы 4-февралда Сан-Франциско шаарында башталган.

Эскерте кетсек, "Матрица" (The Matrix) тасмасынын биринчи бөлүгү 1999-жылы чыгып, мыкты спецэфектери үчүн “жаңы жүз жылдыктын биринчи фильми” деп аталган.