Кыргызстандык Санкт-Петербургда жергиликтүү тургунду бычактады

Санкт-Петербург шаарында эки мигрант жергиликтүү тургунду бычактап кетишкен. Бул тууралуу Россиянын ЖМКлары маалымдашканын “Барометр” кабарлайт.   

Аталган маалыматка таянсак, полиция Большая Конюшенная көчөсүндөгү №2 үйдүн подъездинен бычактан жаракат алган эркекти табышкан. Жабыр тарткан киши 35 жаштагы Санкт-Петербургдун жашоочусу экени аныкталды. Аны оор абалда ооруканага жеткиришти.

Шектүүлөр кармалды. Алар Кыргызстандын жана Тажикстандын жарандары экени аныкталды.