Коронавирус илдети 195 медкызматкерге жукканы тастыкталды

Кыргызстанда коронавирус илдетине 195 медициналык кызматкер кабылганы ырасталды. Бул тууралуу Саламаттык сактоо министрлигинин КР Коомдук саламаттык башкармалыгынын башчысы Айнура Акматова маалымат жыйында билдирди.

Ал өз сөзүндө 30-апрелге карата бир суткада 4 медициналык кызматкерден табылганын кошумчалады. Алар:

Бишкек ш. – 1

Чүй облусунда – 2

Ош облусунда – 1.

Акматова андан сырткары бүгүнкү күнү 105 медкызматкер стационарлардан айыгып чыкканына токтолду.

Эске салсак, 30-арпрелге карата оору 746 бейтапка жукканы аныкталды.