Коомдук автобуска тебеленип каза болгон окуучу баланы жерге коюу зыянатын уюштурууга мэрия жардам берет

Бишкек шаардык бийлиги коомдук автобуста каза болгон  окуучу баланы жерге коюу зыянатына жардам берет. Бул тууралуу тиешелүү мекемеден кабарлады.

Эске салсак, кечээ 3-октябрда саат 16:00 чамаларда окуучу бала №18 автобустун дѳңгѳлѳгүнүн алдында калып каза болгон. Айдоочу автобусту Кызыл Туунун аялдамасында токтотуп, жүргүнчүлѳрдү түшүргѳн.  Алдын-ала маалыматтарга караганда окуучу бала автобустан түшкѳндѳ кийими унаанын эшигине илинип калган. Ошол себептен бала жыгылып, дѳңгѳлѳктүн алдында калган.

 Каза болгон бала Мырза Жумакалиев, 5 класстын окуучусу, апасы экономист,  атасы курулуш  компаниясынын кызматкери, Сокулук районунда жашашат, беш бир тууганы бар.