Бишкек-Ош жолунда «Мерседес-Бенц Спринтер» даракты сүзүп, айдоочу каза тапты

Бишкек-Ош жолунун 369-чакырымында «Мерседес-Бенц Спринтер» микроавтобусунун айдоочусу рулду башкара албай калып даракты сүзүп алган. Бул тууралуу Өзгөчө кырдаалдар министрлигинин басма сөз кызматы кабарлаганын “Барометр” маалымдайт.

Аталган маалыматка таянсак, жол кырсыгынан 1990-жылы туулган айдоочу А. А.,каза тапты, дагы 2 аял жаракат алды.

Окуя болгон жерге 5 куткаруучу барып, айдоочунун сөөгүн тез жардам кызматына өткөрүп беришти.

Жабыркагандар ооруканага жеткирилди.