Бишкек-Кара-Балта жолунда болгон кырсыктан бир кыз каза тапты

Чүй областынын Сокулук районунда болгон кырсыктан унаанын жүргүнчүсү каза тапты. Бул тууралуу Чүй областтык ички иштер башкармалыгынын Жол кыймылынын коопсуздугун камсыздоо башкармалыгынын басма сөз кызматына шилтеме берүү менен “Барометр” маалымдайт.

 25-октябрда Бишкек-Кара-Балта жолунда саат 10:30дар чамасында «Мерседес-Бенц» жана «Ауди» унаалары кагылышкан.

Кырсыктын кесепетинен «Ауди» унаасынын жүргүнчүсү, 1991-жылы туулган кыз каза тапкан. 2000-жылы туулган «Мерседес» унаасынын айдоочусу ар кандай жаракаттар менен ооруканага жеткирилди.