ИИМ: Банкоматтар жана сактык кассаларынан акча каражаттарын урдоо көбөйдү

Кыргыз Республикасынын ИИМдин Күзөт кызматы өлкөбүздөгү финансы-кредиттик мекемелерине каракчылык фактылары көп кездешип жатканын белгилейт.

Маалыматка ылайык, 2018-жылдын декабрь айынан 2019-жылдын декабрь айына чейинки аралыкта республика аймагында кассалардан жана банкоматтардан акча каражаттарын тоноого байланышкан бир нече кылмыштар катталган, анын жыйынтыгында миллиондогон акча каражаттарына зыян келтирген.

Анда Талас, Жети-Өгүз, Араван жана Кара-Суу райондорунда, ошондой эле Ош жана Нарын шаарларынын аймактарында жайгашкан финансы-кредиттик мекемелердин банкоматтарынан жана сактык кассаларынан акча каражаттарын урдоо фактылары катталган.

Жогоруда аталган бардык мекеме-чарбаларда болгон каракчылыктар жана урдоолор ИИМдин Күзөт кызматынын эмес, жеке күзөт мекемелеринин кайтаруусунда болгон.