Бакыт Шаршембиевди кызматтан бошотуу жөнүндө сунуштама киргизилди

Маалыматтык технологиялар жана байланыш мамлекеттик комитетинин төрагасы Бакыт Шаршембиевди кызматтан бошотуу жөнүндө сунуштама киргизилди. Бул тууралуу бүгүн, 21-майда өкмөттүн маалыматтык камсыздоо бөлүмүнөн кабарлашты.

Маалыматка ылайык, премьер-министр Мухаммедкалый Абылгазиев президент Сооронбай Жээнбековго Маалыматтык технологиялар жана байланыш мамлекеттик комитетинин төрагасы Бакыт Шаршембиевди берген арызына ылайык ээлеген кызматынан бошотуу жөнүндө сунуштама киргизди.