Акжол Махмудов өзүнүн трикосун аукционго койду

Токиодо өткөн Олимпиаданын күмүш медалынын ээси Акжол Махмудов аталган мелдешке катышкан өзүнүн спорттук трикосун аукционго койду. Бул тууралуу спортчу өзүнүн Instagram баракчасы аркылуу маалымдаганын “Барометр” билдирет.

Анын айтымында, сатыктан түшкөн каражатты кайрымдуулук фондуна жөнөтөт. Каалоочулар өздөрүнүн баасын сунушташса болот.Триконун алгачкы баасы 50 доллар.    

“Баарыңыздар Токиодо өткөн Олимпиада мен үчүн биринчи болгонун билесиздер. Мамлекеттен алган акчага үй сатып алууну пландап жатам, анткени көп жылдан бери Бишкекте батир жалдап жашап келем. Жакында менде элим үчүн кызмат кылганга башка мүмкүндүктөр болот деген ишеничтемин. Эгерде аукционду баш калаанын тургуну утуп алса мен аны өзүм тапшырам. Конкурс августтун соңуна чейин улантылат. Андан соң жеңүүчү менен байланышам жана биз лотту берүүнүн ыңгайлуу вариантын карап чыгабыз”, - деп жазды Акжол Махмудов.