Бишкекте дайынсыз болуп, изделип жаткан жигит аман-эсен табылды

11-март күнү жумушунан чыгып кеткен боюнча үйүнө кайтып келбей, дайынсыз деп изделип жаткан Кочкорбаев Амантур табылды. Бул тууралуу Ленин райондук ички иштер башкармалыгынын маалымат кызматына шилтеме берип “Барометр” билдирет.

Маалыматка ылайык, эки күндөн бери дайынсыз деп изделип жаткан 35 жаштагы Кочкорбаев Амантур бүгүн, 13-мартка карган түнү 02:00 чамасында Чүй облусунун Аламүдүн районунун аймагынан табылган.

“Изделип жаткан жигиттин ден соолугу жайында, эч кандай жабыркабаган абалда табылды. Учурда, милиция кызматкерлери анын эмне үчүн кабарсыз кеткендиги тууралуу тактоо иштерин жүргүзүп жатат”, - деп айтылат маалыматта.

Эске сала кетсек, буга чейин, Бишкек шаарынын 35 жаштагы тургуну жумушунан чыккан боюнча үйүнө барбай дайынсыз деп изделип жатканы тууралуу жазганбыз.