Жумушунан чыгып кеткен боюнча дайынсыз болуп жаткан Бишкектин тургуну изделүүдө

11-март күнү жумушунан чыгып кеткен боюнча үйүнө кайтып келбей дайынсыз болуп жаткан Кочкорбаев Амантур Болотбекович изделүүдө. Бул тууралуу Ленин райондук ички иштер башкармалыгы тараткан маалыматка шилтеме берип “Барометр” билдирет.

Маалыматка ылайык, милицияга 12-март күнү Н.Н. аттуу жаран жолдошу Кочкорбаев Амантур Болотбековичти издөөгө жардам берүү өтүнүчү менен кайрылган.

“Изделип жаткан Кочкорбаев Амантур 1986-жылы туулган. 11-март күнү Бишкек шаарынын Чүй проспектисинде жайгашкан жумушунан болжол менен кечки саат 21:30 чамасында чыгып кеткен бойдон үйүнө кайрылып барган эмес. Азыркы күнгө чейин анын жүргөн жери белгисиз болууда.

Белгилери: бою 185-188 см, чымыр дене түзүлүштүү, чачы орто узундукта, көздөрү күрөң, ээгинде бир аз сакалы бар.

Кийген кийимдери: кара жеңсиз куртка, кара свитер, көк түстөгү джынсы шым, көк түстөгү кроссовка.

Урматтуу шаар тургундары! Эгерде жогоруда сүрөттөлгөн жигиттин жүргөн жерин көргөн-билгендер болсо байланышып коюшуңуздарды өтүнөбүз”, - деп айтылат маалымта.

Байланыш үчүн телефон номер: 0 (312) 352-605, 0 (0312) 352-947, 0 (553) 102-880, 0(555) 102-145, 0 (701) 644-403 же 102.