UFC алкагында Рафаэль Физиев англиялык Костолом менен беттешет

Кыргызстандык Рафаэль Физиев Абу-Дабиде (БАЭ) кезектеги беттешүүгө чыгат. Бул тууралуу «MMA Junkie» спорттук порталы жазды.

Аталган турнирдин 18-июлда Яс жасалма аралында өтөөрү күтүлүүдө.

Физиевдин каршылашы «Костолом» деген каймана аты бар англиялык мушкер Марк Диакизе. Ал буга чейин 14 беттешин жеңип, 3 жолу жеңилген.

«Нео» каймана аты бар Рафаэль Физиев UFC уюмунда алгачкы ирет өткөн жылдын апрелинде Санкт-Петербургда өз күчүн сынаган. Ал турнирде россиялык Магомед Мустафаевден жеңилип, кийин октябрда бразиялык Алекс Уайтты жеңип алган. Ушуну менен кыргызстандык спортчу UFC алкагында үчүнчү ирет октагонго чыкканы турат.