Тогуз-Тородо жол кырсыгынан бир киши каза болуп, 4 адам жаракат алды

Тогуз-Тородо айдоочу рулга ээ боло албай жол кырсыгына кабылган, анын кесепетинен 61 жаштагы адам каза болду. Бул тууралуу ӨКМдин басма сөз кызматына таянып "Барометр" билдирет.

Кечээ, 3-ноябрда Тогуз-Торо районунда саат 18:00де Казарман-Актал-Чат унаа жолунун 73-чакырымдарында (Кара-Гөө ашуусу) “Тойота Гайя” унаанын айдоочусу рулду башкара албай жолдон чыгып кеткен.

Натыйжада 1959-жылы туулган эркек адам каза болуп, 4 адам (1974-жылы туулган эркек адам, 1975-жылы туулган жана 1995- жылы туулган аял кишилер, 2014-жылы туулган жаш бала) жабыркаган.

Тартылган  КР ӨКМнин №46 өрткө каршы куткаруу бөлүгүнүн куткаруучулары жабыркагандарды унаадан чыгарышып тез жардам кызматына өткөрүп беришкен.