Таласта Жеңиш күнүнө арналган ат оюндары өтөт

Май айында Таласта жана Ошто ат оюндары өтөт. Бул тууралуу мамагенттин басма сөз кызматына таянып "Барометр" билдирет. 

"Таласта 4-9-май күндөр Райкан Алканов атындагы ат майданында Жеңиш күнүнө карата Сүймөнкул Чокморовдунжана Үсөн Кудайбергеновдун элесине арналган ат оюндары өтөт. Атап айтсак, көк бөрү, эр эңиш жана салбуурун боюнча мелдештер болот.

Мындан тышкары, ат оюндарынын алкагында Ош шаарынын «Төлөйкөн» ат майданында ат чабыштын түрлөрү уюштурулат.

Уюштуруучулар: Спорттун улуттук түрлөрү боюнча дирекциясы, Кыргызстандын көк бөрү, аргымак, салбуурун, эр эңиш федерациялары", - деп айтыла маалыматта.