Таксинин ичинде кызды зордуктоого аракет кылган адам камакка алынды

Таксинин ичинде кызды зордуктоого аракет кылган деген адам соттун чечими менен эки айлык камоого алынды. Бул тууралуу шаардык милициядан кабарлашты. 

Эске салсак, 27-ноябрда социалдык тармактарда унаада жардам сурап кыйкырган аялдын видеосу тараган жана ИИМ бул иш боюнча иликтеп, 1969-жылы туулган Б.Ч. аттуу жаранды камакка алган. Андан кийин кыз арыз жазгандыгы такталып, таксист зордуктоого аракет кылган деген шек менен убактылуу камоо жайына киргизилген.