Роза Отунбаеванын энеси дүйнө cалды

Роза Отунбаеванын энеси Салийка Даниярова дүйнө cалды. Бул тууралуу “Роза Отунбаеванын демилгелери фондунун” маалымат кызматына таянып «Барометр» билдирет.

Кыргызстандын экс-президенти Роза Отунбаеванын энеси Салийка Даниярова 95 жаш курагында каза болду. Ал жети кыз, бир уулду татыктуу тарбиялап чоңойткон.

Салийка Даниярова 1925-жылы 1-январда Талас облусунун Манас районундагы Кеңеш айылында туулган. 40 жыл мугалимдик кесипти аркалап, ардактуу эс алууга чыккан.

Маркумдун сөөгү 30-июнда Аламүдүн районунун Байтик айылындагы көрүстөнгө коюлат.

«Барометрдин» жалпы жааматы Роза Исаковнага апасынын дүйнөдөн өткөнүнө байланыштуу ага жана жакындарына терең кайгыруу менен көңүл айтып, азасын тең бөлүшөт.