Ошто каналга түшүп кеткен 3 жашар баланын жансыз денеси табылды

Ошто Увам каналына түшүп кеткен 3 жашар баланын жансыз денеси табылды. Бул тууралуу ӨКМнын маалымат кызматына шилтеме берип “Барометр” билдирет.

Эскерте кетсек, Ош шаарындагы Увам каналына  30-апрель күнү түшкө жуук  сууга 2019-жылы туулган эркек бала түшүп кеткени кабарланган. Баланы издөө иштерине Ош шаардык Куткаруу кызматынан жалпы 14 куткаруучу жана ИИМден 7 кызматкер тартылган.

Издөө иштеринин натыйжасында маркумдун жансыз денеси табылып, туугандарына өткөрүлүп берилген.