Ош шаарында 5-кабаттан боюн таштамак болгон кыз куткарылды

Ош шаарынын ички иштер башкармалыгынын патрулдук милицияснын кызматкерлери 5-кабаттан боюн таштамак болгон кызды куткарышты. Бул тууралуу аталган ведомствонун басма сөз кызматынан кабарлашканын “Барометр” маалымдайт.

Аталган маалыматка таянсак, кечээ 9-августта саат 04:10до 102 кызматына Ош шаарындагы Космонавтар паркынын жанындагы үйлөрдүн биринин 5-кабатынан бир кыз боюн таштамак болуп жатканы тууралуу маалымат түшкөн.Окуя болгон жерге дароо жакын жүргөң патрулдук милициянын кызматкерлери барышкан.Алар барган кезде терезенин кырында турган кызды көрүшкөн.

“Кошуналар менен бирге алар 5-кабатка чыгып  квартиранын эшинин талкалап кирип кызды куткарып калышты. Андан соң кызды тергөө кызматтарына беришти. Азырынча кыз эмнеге мындай кадамдарга бармак болгону белгисиз”,-деп айтылат маалыматта.