Мэрия 15-сентябрда окуучулар бет кап менен келүүгө тийиш экенин эскертти

15-сентябрда баардык мектептердин окуучулары бет кап тагынууга тийиш. Бул тууралуу Бишкектин вице-мэри Виктория Мозгачева эфир маалында билдиргенин “Барометр” кабарлайт.

“Бул адамдар көп топтолгон жер. Мектептер баардык окуучуларды бет кап менен камсыздай албайт. Ата-энелерден сураныч: балдарды бет кап менен камсыздаңыздар”,-деп айтты ал.

Вице-мэрдин кошумчалагандай, сабактардын узактыгы пандемияга чейинкидей эле 45 мүнөттөн. Балдар отура турган орундардын жетишсиздигинен улам аралыкты сактабай эле отургузулат.

“Нөөмөт алмашкан учурда класстар жугушсуздандырылып турат”,-деп айтты вице-мэр.