Маданият министрлиги “Алтын калем” сыйлыгына конкурс жарыялады

Маданият, маалымат, спорт жана жаштар саясаты министрлиги республикалык “Алтын калем” сыйлыгына конкурс жарыялады. Бул тууралуу аталган ведомсвтонун басма сөз кызматына таянуу менен “Барометр” маалымдайт.

Конкурстун максаты - искусствону, мамлекеттик тилдин байлыгын жана тереңдигин таанытуу, кыргыз тилинде жазган мыкты жазуучуларды аныктоо, алардын талантын ачуу.

Эмгектер 20-ноябрга чейин кабыл алынат. Чыгарманы окуу жана баа берүү 20-ноябрдан 10-декабрга чейин болот.

Кыргызстандын жарандары кыргыз тилинде жазган эмгектер кабыл алынат, жаш куракка чектөө коюлбайт. Ырлар, прозалар-аңгеме, поветь, роман, драматургия - спектакль, драмалар кабыл алынат. Көлөмү менен тематикасына чектөө коюлбайт.

12-декабрда жеңүүчүлөр сыйланат.

Эң мыкты ыр, эң мыкты проза, эң мыкты драмага ар бирине 100 миң сомдон сыйлык ыйгарылат.