Жусуп Абдрахмановго арналган тасманын сценарийине конкурс жарыяланды

Кинематография департаменти саясий ишмер Жусуп Абдрахмановго арналган тасманын сценарийи үчүн конкурс жарыялады. Бул тууралуу Маданият министрлигинин басма сөз кызматынан кабарлашканын “Барометр” билдирет.

Конкурстун максаты өсүп келе жаткан муунду патриотизмге тарбиялоо жана жарандардын арасында маданий баалуулуктар менен патриоттук идеяларды жайылтуу.

Конкурс эки этапта жүргүзүлөт:

Биринчи баскычта 15-октябрга чейин сценарийлер кабыл алынат.

Экинчи баскычта 15-ноябрга чейин жеңүүчүлөр аныкталат.

Көркөм тасманын сценарийи оргиналдуу сюджетке ээ болуусу керектигин эскертишти. Сценарийлер кинематография департаментине тапшырылууга тийиш.