Кыргызстандык Диана Зулпуева Казань шаарында өткөн сулуулар сынагына катышты

Кыргызстандык Диана Зулпуева Казань шаарында өткөн "Нооруз сулуусу - 2021" сынагына катышты. Бул тууралуу Tatar-inform сайтына шилтеме берүү менен “Барометр” билдирет.

Басылманын маалыматы боюнча, Нооруз майрамынын алкагында өткөн сулуулар сынагына Казакстан, Татарстан, Өзбекстан, Тажикстан, Кыргызстан, Башкортостандан беш кыз катышкан.

Сынакта башкы жеңишти Казакстандык сулуу Карина Кабдуллина жеңип алды. Ал эми, биринчи вице-мисс наамы өзбекстандык Юлия Ким, экинчи вице-мисс наамын кыргызстандык Диана Зулпуева жеңип алды.

Калыстар тобу Дина Зулпуеванын чимириле бийлеген кыргыз бийин өзгөчө баалап, жогорку баасын беришкен. 

Татарстандык Камилла Равилова майрамдын эң жөнөкөй сулуусу деп табылды. Ал эми,  Тажикстандык Сабрина Борзова аттуу кыз "Эң жагымдуу" сулуу наамына ээ болсо, Башкортостандык Яна Анварова "Көрүүчүлөрдүн сүймөнчүгү" номинацияларына ээ болушту.