Кыргызстанда ЖРТ менен университетке тапшыруунун мөөнөтү жылышы ыктымал

Депутат Ирина Карамушкина айрым жарандар коронавирустан улам мектептеги окуулар жылып жаткандыктан жалпы республикалык тестирлөө (ЖРТ) менен жогорку окуу жайларга тапшыруу мөөнөтү дагы узарабы деп сурап жатканын айтты.

Бүгүн, 19-мартта, парламентте өкмөт коронавирус менен күрөшүү боюнча жасап жаткан иштери тууралуу маалымат берди.

Өз кезегинде премьер-министр Алтынай Өмүрбекова азырынча бардын иштер коронавирус боюнча абалдын өнүгүшүнө жараша болорун билдирди.

“Март, апрель айларына белгиленген бир катар иш-чаралар Билим берүү жана илим министрлиги тарабынан кийинкиге жылдырылды. Ал эми бүтүрүү кечеси, университетке тапшыруу сыяктуу иштер коронавирус боюнча абалга жараша болот”, — деди ал.

Эске салсак, Кыргызстанда учурда коронавирус жуккан үч учур катталды.