Кочкордо жол кырсыгынан үч адам жаракат алды

Кочкордо айдоочу рулду башкара албай, унаа оодарылып кетип үч адам жаракат алды. Бул тууралуу ӨКМдин басма сөз кызматына таянып "Барометр" билдирет.

Кечээ, 10-ноябрда Кочкор районунда саат 12:40 чамасында Бишкек-Нарын-Торугарт унаа жолунун 170-чакырымында (Кувакы ашуусу) “Фольксваген Пассат” үлгүсүндөгү жеңил унаанын айдоочусу рулду башкара албай жолдун жээгине оодарылып кеткен.

Кырсыктын кесепетинен 3 адам (аты-жөндөрү такталууда) жеңил жаракат алышкан.

Жерине  КР ӨКМнин №42 өрткө каршы куткаруу бөлүгүнүн куткаруучулары тартылып жабыркагандарды унаадан чыгарып, тез жардам кызматкерлерине өткөрүп беришкен.