ӨКМ тоолуу аймактарда кар көчкү түшөрүн эскертти

14-февралдан 17-февралга чейин жаап өткөн жана күтүлүп жаткан жаан-чачынга байланыштуу Кыргызстандын тоолуу райондорунда, Бишкек - Ош автоунаа жолунун Төө-Ашуу ашуусундагы 121-138 чакырымдарында, Ала-Бел ашуусундагы 198-265 чакырымдарында, Мырза-Аке - Кара-Кулжа - Алайкуу автоунаа жолунун 45-115 чакырымдарында, Ала-Бука - Каныш-Кыя автоунаа жолунун 68-99 чакырымдарында (Чапчыма ашуусунда), Красная Горка - Ак-Таш автоунаа жолунун 1-4 чакырымдарында кар күрткүсү жана кар көчкү түшүү коркунучу сакталат. Жолдор тоңуп тайгак болот.

ӨКМ унаалардын ортосундагы 500 метр аралык кыймыл сакталышы керектигин эскертет. 

Өзгөчө кырдаалдарда 112 кызматына чалыңыз, чалуу акысыз.