Жүздөгөн адамдар Кабулдагы аэропортто учактарга далбас урушууда

“Талибан” кыймылы чек аранын баардык тарабына көзөмөл орноткондуктан Афганистандан аэропорт аркылуу гана чыгууга мүмкүн болуп жатат. Бул тууралуу “Аl-Arabiya” булагына таянуу менен “Барометр” кабарлайт.

Туруктуу каттамдарды токтотуп салышкандыктан аскердик-транспорт учактары менен гана учуп жатышат. Аэропортто башаламандык өкүм сүрүүдө.

“Талибан” кыймылы жеңишке жетишкенден кийин өлкөнү таштап  кетүүгө аракет кылган Афганистандын жашоочулары Кабулдан учуп кетүүнү көздөп, учактарга түшүп калууну үмүттөнүшүүдө.

“Эл борбор калаадагы жалгыз аэропортко топтолушууда. Жарандар учактардын салонунда орундукка отурбай тик туруп учуп кеткенге дагы даяр болуп жатышат. Аэропорттун айланасында атышуулар угулууда”,-деп кабарлады Аl-Arabiya телеканалы.