ТИМ: Кабулдагы Кыргызстандын элчилигинде жыйырмадай адам бар

Кыргызстандын Кабулдагы элчилигинде жыйырмага чукул кыргызстандык бар. Бул тууралуу Тышкы иштер мнистрлиги Афганистандагы Кыргызстандын элчилигине шилтеме берүү менен кабарлаганын “Барометр” маалымдайт.

Аталган өлкөдөгү элчи Мирослав Ниязовдун айтымында, баардык жарандар 21-августка чейин Кыргызстанга эвакуацияланат.

Тышкы иштер министрлигинен кабарлашкандай, аталган ведомство Афганистандагы аскердик-саясий жагдайдын саат сайын өзгөрүп жатышынан кабардар болууда.

“Министрлик менен элчилик Кыргызстандын жарандары менен туруктуу байланышта болуп жатат”,-деп айтылат маалыматта.