Чаткал районунда кар көчкү бууп калган жол ачылды

10-февралда Жалал-Абад облусунун Чаткал районунда саат 08:30 чамасында Ала-Бука - Жаңы-Базар - Кировка унаа жолунун 99-101-чакырым аралыктарында (Чапчыма ашуусу) 500м3 жана Красная-Горка-Ак-Таш унаа жолунун 4-9- чакырым аралыктарында (Капчыгай тилкеси) 3500м3 кар көчкү түшүп, унаа жолдор жабылган. Бул тууралуу ӨКМдин басма сөз кызматы билдирди.  

Тазалоо иш-чараларын жүргүзүү үчүн, №27 ЖТИ 2 жүктөгүч, 1 бульдозер жана 1 грейдер тартылып, саат 15:30да унаа жолдор толук тазаланып, иш-чаралар аяктады.