Жаңы Зеландияда бир адамдан коронавирус табылып, баары карантинге жабылды

Жаңы Зеландияда COVID-19 менен ооруп калган бир адам катталгандан кийин улуттук деңгээлде карантин киргизилди. Бул тууралуу Reuters булагына шилтеме кылуу менен “Барометр” маалымдайт.

Акыркы алта айдан бери өлкө боюнча коронавирус Окленд шаарында жашаган 58 жаштагы адамдан 12-августта табылган. Окленд эми бир аптага, ал эми өлкөнүн калган бөлүгү 3 күнгө карантинге жабылат.Ооруган адам барып келген Коромандел шаары да 7 күнгө чектөөгө алынат.

Премьер-министр Джасинда Ардерн мектептерди, мекемелерди жана баардык ишканаларды жаап, чукул кырдаалдарда гана аракеттенген кызматтар каларын айтты. Мындай кадам көбүрөөк жугуштуу делген "дельта" штаммына байланыштуу болгонун кошумчалады.