Жалал-Абадда ижарага алган унааны сатып жиберген жаранды кармалды

Жалал-Абадда ижарага алган унааны сатып жиберген жаранды кармалды. Бул тууралуу Жалал-Абад ОИИБдин маалыматына шилтеме берип “Барометр” билдирет. 

Маалым болгондой, милмцияга Сузак районунун тургуну М.А. арыз менен кайрылган.

“Ал өз арызында 2022-жылдын 15-декабрь күнү Х.Э. аттуу жаранга ооз эки келишимдин негизинде «Дэу-Матиз» үлгүсүндөгү автоунаасын  такси кызматына пайдалануу үчүн ижарага бергендигин, ижарага алган жаран автоунааны сатып жибергендигин билдирген.

Натыйжада жабырлануучуга 165 000 сомдук материалдык чыгым келтирилген.

Бул факты боюнча Жалал-Абад ШИИБдин КБРне Кыргыз Республикасынын Кылмыш-жаза кодексинин 210-беренеси (Ишенип берилген мүлктү ыйгарып алуу же коротуу) менен катталып, кылмыш иши козголгон.

Жалал-Абад ШИИБдин Кылмыш иликтөө бөлүмүнүн кызматкерлери тарабынан жүргүзүлгөн ыкчам-иликтөө иштеринин натыйжасында кылмыш ишине шектүү катары Сузак районунун тургуну 1987-ж.т. Х.Э. кармалып, убактылуу кармоочу  жайга киргизилген”, -деп айтылат маалыматта.