Жалал-Абад облусунун башчысы эмнеге отставкага кеткени белгилүү болду

Өкмөттүн Жалал-Абад облусундагы ыйгарымдуу өкүлү Кыянбек Сатыбалдиев ден соолугуна байланыштуу кызматткен кетти. Бул тууралуу премьер-министр Мухаммедкалый Абылгазиев парламенттин жалпы жыйынында билдирди.

Сатыбалдиев кызматтан кетүү тууралуу арызын жазып, ага өкмөт башчы 22-январда кол койгон.

Анын ордуна өзгөчө кырдаалдар министри Нурболот Мирзахмедов өкмөттүн Жалал-Абад облусундагы ыйгарым укуктуу өкүлү болуп дайындалган.