Өзгөндө жол кырсыгынан беш адам жабыркады (Сүрөт)

Бишкек-Ош унаа жолунда жол кырсыгынан өрт чыгып, 5 адам  жабыркады. Бул тууралуу КР ӨКМ басма сөз кызматына таянып "Барометр" билдирет.

Кечээ, 20-сентябрда Ош облусунда саат 20:30да Өзгөн районундагы Бишкек-Ош унаа жолунун 601-чакырымында (Шоро-Башат айылы) Хюндай-Портер" унаасы "Дэу-Ланос" унаасын артынан келип сүзгөн жана “Дэу Ланос” унаасынан өрт чыккан.

Кырсыктын кесепетинен 5 адам (аты-жөндөрү такталууда) ар кандай жаракат алган. Жабыркагандар Өзгөн райондук ооруканасына жолдо бараткан унаалардын жардамында жеткирилген.