Ысык-Көлдө "КамАЗ" менен жеңил унаа сүзүшүп, 2 адам каза болду

Ысык-Көл облусунун Ысык-Көл районунда 2 адамдын өмүрүн алган жол кырсыгы катталды. Бул тууралуу ӨКМдин басма сөз кызматына таянып "Барометр" билдирет.

"Балыкчы-Чолпон-Ата-Каракол унаа жолунун 29-чакырымында (Тору-Айгыр айылы) "Хундай-Соната" жана "КамАЗ" унаалардын катышуусунда жол кырсыгы катталды. Кырсыктын кесепетинен 2 киши (1 аял: 1992-ж.т.; 1 эркек) каза болуп, 1 эркек жаракат алганды", - деп айтылат маалыматта.

Жабыркаган жаран тез жардам кызматы менен Чолпон-Ата шаардык ооруканага жеткирилди.