Япония Кыргызстанга кайтарымсыз түрдө 19 млн доллар берет

Япониянын өкмөтү “Адам ресурстарын өнүктүрүү үчүн стипендия программасы” долбоорунун алкагында 2.8 млн долларга жакын, ошондой эле “Талас -Тараз унаа жолундагы Урмарал суусу аркылуу өтүүчү көпүрөнү оңдоо” долбооруна 16.5 млн долларга жакын каражатты кайтарымсыз түрдө берет. Бул тууралуу Каржы министрлигинин басма сөз кызматы кабарлады.     

Бүгүн, 17-июлда Каржы министри Бактыгул Жеенбаева менен Япониянын КРдагы атайын жана толук ыйгарым укуктуу элчиси Ямамура Ёсихиро жолугушуп, алмашуу ноталарына кол коюшмакчы.