Узакка созулган жөтөлдөн кутулуунун жолдору

Узакка созулган жөтөлдөн кантип арылуу керек? Эң оңой жана коопсуз кеңештерди дарыгерлер сунуштады. Бул тууралуу “Барометр” билдирет.

Маалым болгондой, Россиянын Саламаттыкты сактоо министрлигинин фтизиопульмнология жана инфекциялык оорулар боюнча улуттук медициналык изилдөө борборунун пульмонологу Евгений Попов жөтөлдөн арылуунун коопсуз жолдорун айтты.

Анын айтымында, абаны нымдоо жана жылуу суюктуктарды ичүү узакка созулган жөтөлдү айыктырууга жардам берет.

"Жардам катары какырыктын чыгышына түрткү берүүчү жылуу суусундукту көп ичүү керек. Какырык суюктуктан пайда болот, эгер адам жетиштүү ичпесе какырыктын пайда болушу токтоп, жөтөл узакка созулат", - деп түшүндүрдү адис.

Дарыгердин айтымында, бөлмөдөгү абаны нымдоо өзгөчө жылытуу мезгилинде, үй ичиндеги аба кургак болгондо маанилүү. Ал кошумчалагандай, бул дем алуу жолдорунун былжыр челдерин кургатып, калыбына келтирүүгө тоскоол болот.

Попов белгилегендей, жөтөлдүн түрлөрүнө жараша ар кандай дары-дармектер колдонулат, ар кандай механизмдери бар жана, албетте, дарыгер терапияны жазып бериши керек. Ал ошондой эле нымдуу жөтөлгө көбүнчө колдонулган жардамчы каражаттарды сунуштайт.