Токтогул шаарында жаңы төрөлгөн баланы дааратканага салып жиберишкен

Токтогул шаарында дааратканадан жаңы төрөлгөн ымыркай куткарылды. Бул тууралуу Өзгөчө кырдаалдар министрлигинин басма сөз кызматы кабарлаганын “Барометр” маалымдайт.

Аталган маалыматка таянсак,Токтогул шаарындагы Сарагуль көчөсүндөгү үйдүн дааратканасынан жаңы төрөлгөн бала табылганы тууралуу маалымат түшкөн.

Окуя болгон жерге токтоосуз түрдө 4 куткаруучу барган. Алар баланы алып чыгышып ИИМдин жана тез жардамдын кызматкерлерине беришти.

Баланын абалы учурда орточо деп бааланууда.