Сузакта өз атасы бойго жеткен кызын зордуктоого шектелип кармалды

Сузакта атасы өз кызын зордуктоого шектелүүдө. Бул тууралуу Жалал-Абад ОИИБдин маалымат кызматына шилтеме берип “Барометр” билдирет.

Маалым болгондой, 19 жаштагы кыз өз атасы 2022-жылдын сентябрь айында зордуктап койгонун айтып милицияга кайрылган. 

“Сузак РИИБге район тургуну 2004-ж.т. кыз арыз менен кайрылып, 2022-жылдын болжол менен сентябрь аянын аягында үйүндө атасы 1980-ж.т. Н.К. зордуктап койгондугун билдирген.

Бул факты Сузак РИИБдин КБРне Кыргыз Республикасынын Кылмыш-жаза кодексинин 154-беренеси (зордуктоо) менен катталып, кылмыш иши козголуп, тиешелүү экспертизалар дайындалган.

Окуяга шектүү катары Сузак районунун тургуну 1980-ж.т. Н.К. кармалып, убактылуу кармоочу жайга киргизилген.

Азыркы учурда тергөө амалдары жүрүүдө”, -деп айтылат маалыматта.