Өкмөт башчы Улукбек Марипов Айсулуу Тыныбекованы жеңиши менен куттуктады

Кыргызстандын премьер-министри Улукбек Марипов Айсулуу Тыныбекованын Украинанын Киев шаарында өткөн эл аралык мелдештеги жеңиши менен куттуктады. Бул тууралуу өкмөт башчынын соцтармактагы расмий баракчасына жазылган маалыматка шилтеме берип “Барометр” билдирет.

“Урматтуу Айсулуу Болотовна! Алтын медалыңыз менен куттуктайм!

Сиздердин жеңишиңиздерди кызыгуу менен көрүп, сыймыктануу менен кабыл алдык. Бүгүнкү жетишкендигиңиз тынымсыз эмгек, талыкпас машыгуулардын жыйынтыгы болду десем жаңылбайм.

Сиздин жеңишиңиз элибиздин духун көтөрүп, жаштарыбыздын ишенимин бекемдеген жалпыбыздын сыймыгыбыз!”, - деп айтылат өкмөт башчынын куттуктоосунда.

Эске сала кетсек, 26-28-февраль күндөрү Украинанын атактуу балбандарынын жана машыктыруучуларынын элесине арналган XXIV эл аралык мелдеш болуп өттү. Мелдеште Айсулуу Тыныбекова алтын медаль жеңип алды.