Сегиз жаштагы ирандык футболчу Мессини өзүнүн техникасы менен таң калтырды

“Ливерпуль” академиясында машыгып келген сегиз жаштагы ирандык футболчу Арат Хоссейни топ менен иштөө техникасы менен машыктыруучуларды жана коомчулукту таң калтырууда. Бул тууралуу Eurosport басылмасына шилтеме берүү менен “Барометр” билдирет.

Баланын машыгуусундагы видеолор анын Instagram баракчасында жарыяланган, анын баракчасында 4,7 миллион катталуучусу бар. Жакында, жаш футболчунун аккаунтунда дагы бир видео пайда болду, анда бала атаандаштарын Месси же Салахтын стилине салып алдап салган.

Ирандык жигиттин видеолорунун бирине атактуу футболчу Месси комментарий берип, анын техникасына суктанганын айткан. Ирандык жаш футболчунун инстаграм баракчасына атактуу Рио Фердинанд, Джон Джонс жана Раджа Наингголан сыяктуу жылдыздар катталган.

Ирандык бала үч жашынан баштап популярдуулукка жеткен. Ал укмуштуудай акробатикалык трюктарды жасап, чоң адамдарды таң калтыра тургандай атактуулукка ээ болгон. Ата-энелер ымыркайдын жөндөмдүүлүгүн 9 айлыгында байкаган. Ошондон бери алар аны колдоп, чеберчилигин дайыма өркүндөтүп турушат. Балага гимнастика боюнча олимпиадалык алтын убада кылынган, бирок Арат чоңоюп, футболго кызыга башган.