Роза Отунбаева: "Бүгүн тарыхый күн, акыйкат келди Кыргызстанга!"

Бүгүн үй камагына чыккан Өмүрбек Текебаев менен Дүйшөнкул Чотоновду экс президент Роза Отунбаева келип куттуктады. 

Жолугушуу партиянын кеңсесинде болду.

"Бүгүн бактылуу, тарыхый күн. Эки жыл жети ай кандай гана кыйынчылыктарды башынан ѳткѳрүшсѳ да эки жигит аягына чейин турушту. Силерди колдогон тарапташтарыңарга таазим. Акыйкат бар экен! Акыйкат келди Кыргызстанга!",- деди Отунбаева.

Бүгүн, 29 августта, Бишкектин Биринчи май райондук соту Текебаев менен Дүйшөнкул Чотонов үй камагына чыгарды.

Сотко Текебаев менен Чотоновду үй камагына чыгаруу боюнча адвокаттар өтүнүч келтиришкен. Сот аны канааттандырып, сот залынан бошотту.

Текебаев менен Чотоновду сот имаратынан жанынан үй-бүлөсү, бир туугандары, партиялаштары, тарапташтары күтүп чыгышты.