Россияда болгон жол кырсыгынан эки кыргызстандык каза тапты

Россиянын Тула областында болгон жол кырсыгынан эки кыргызстандык каза тапты. Бул тууралуу маалыматты Россиядагы Кыргызстандын элчилигинен кабарлашканын “Барометр” маалымдайт.

Жол кырсыгы 23-сентябрда эртең менен Веневский районундагы «Каспий» Р-22 трассасында болгон.

Кыргызстандын эки жараны-1986-жылы туулган эркек киши жана 1987-жылы туулган аял каза тапты.

Кырсыктан жалпы 4 адам көз жумду.

Бул окуя боюнча кылмыш иши козголду. Элчиликтин консулдук бөлүмүнүн кызматкерлери укук коргоо органдарынын өкүлдөрү жана каза тапкандардын жакындары менен байланышта болуп жатат.